ASHYOLAR INTERNETI (IOT) TARMOQLARINI ISHLAB CHIQISHDA QOʻLLANILADIGAN SIMULYATSION VOSITALARNI TAQQOSLAB TAHLIL ETISH

Annotatsiya

Ashyolar interneti qurilmalarining xilma-xil protokollari, xavfsizlik ssenariylari va resurs cheklovlari simulyatsion vosita tanlovini murakkablashtiradi. Tadqiqotning maqsadi IoT tarmoqlarini loyihalashda qoʻllanadigan oltita simulyatsion muhitni algoritmik yuklama, kechikish, model moslashuvchanligi, xavfsizlik ssenariylarini qoʻllab-quvvatlash va hisoblash resurslari boʻyicha qiyoslashdan iborat boʻldi. Baholashda algoritmik tahlil, koʻp mezonli reytinglash, ssenariy asosidagi dasturiy sinovlar va texnik parametrlarni normallashtirish usullari qoʻllandi. Har bir vosita uchun bir xil topologiya, bir xil trafik profili va bir xil hujum stsenariylari ishga tushirildi; natijalar birlashtirilgan baholash jadvali orqali solishtiriladi.